Nout mangé, nout mémoire, nout l'histoire

Nout mangé, nout mémoire, nout l'histoire

  • Éditeur :LOFIS LA LANG
  • Auteur : Collectif
  • Disponibilité : En Stock
  • Prix : 12,00€

Sé In lespozisyon dési nout gro manjé (kari, rougay…), sèk i fé la kizinn rényoné zordi. Lété pa kestyon coz dési bann supléman kom samoussas, boushons, pistas, desèr… tousala i mérit in ot lespozisyon. In linvitasyon pou bann Rényoné konèt in pé plis si son manzé. Ousa i sort ?

Nou pé di que manzé-la lé kom in rézimé listwar nout pei. Li la été fasoné èk savèr zindien, fransé, sinwa, malgas, afrikin, portigué… mé le Rényoné minm la aranz a li èk son manir kréol. Pou sèk té i koné pa ryin dési lo manzé kréol, lété in bon lokazyon pou asimil in pé son filozofi. Lété ossi lokazyon réviz dé-trwa résèt, aprann dé-trwa kozman.

Louvèrtir-la lété ossi in landrwa pou diskuté : nou koné koman nout manzé kréol i pasionn ! In manir pou fèt la zourné intèrnasyonal la lang matèrnèl, in manir pou fèt la lang kréol.

Pou pass a la pratik, louvèrtir lespozisyon la fini èk in savouré manzé préparé par le Komité des Chomeurs et Mal-logés du Port. Mèrsi a zot. Lavé : kari baton mouroung, kari poisson… rougay karambol-mang- tomat, shoushou èk la mori. Desèr : papay, gato ti son, gato patat. Lespozisyon lé dann la Kaz Lofis la lang kréol o Port, pou in bon bout tan.

Écrire un avis

Note : Le HTML n’est pas pris en charge !
    Mauvais           Bon