In zistoir traditionèl Larénion, Axel Gauvin la ramasé, Isabelle Testa la rakonté.Navé inn foi; Pou inn bone foi Messié Lafoi La manj son foi.Ek in grinn dsèl.

In jour, la maman Tijan (tan-la Tijan té pankor nèt, li té ankor dann vant son momon), donk la maman Tijan té anvi d’boir delo la poin grenouy. Kriké ? kraké ! Soman la poin persone té i koné oussa i trouv delo la poin grenouy. Malgré sa, èl la anvoy son mari pou rodé. Li sava. Li rod, li rod. Li trouv pa même.

Li arvien épi li di konmsa : « Moin la passe partou, moin la pa trouvé ! »Maman Tijan lé pa kontan. El i di :« Moin la anvi boir delo la poin grenouy. Si ou trouv pa, malé rode par moin même ! »